Vəhdət, islamiyə iştimaiyəti şəxsiyəte; Tehronədə islamiyə vəhdət beynəl xalğiyə iclos. 

İslamiyə məzhəbon miyono təğrib beynəl xalğiyə icma rəis zinə Tehroni cumə nımoji xotbəon bənav bə Tehronədə vəhdət haftə mınosibəti beynəl xalğiyə 32-nə dıvrə iclosi dəvoniyə işorəş karde və votışe: bo islamiyə iştimaiyəti vəhdət qıləy fondamental məsələ iyən çın iştimaiyəti şəxsiyəte.

Ayətullah Muhsen Əraki bə İronədə inğilabi 40-nə sorqardışi işorəş karde iyən dəvomış do: ımruj dınyo etırof kardedə ki Amerkə ğudrət bə zəifəti tərəf hərəkət kardedə və jıqo umidəvmon ki detos ome 10 sori Amerkə iyən çəy tağotiyə sultə qırd məhv bıbu. 

Əv həmçınin zinə Tehronədə məzhəbi ixtilafon kam karde iyən Fələstin məsələ himoyədorəti karde nomo iclosədə təsdiğış karde: ixtilof yəni qıləy nışonə ki karde bəbe de çəy vositə islami partiya və şeytoni hərəkəton zınə çən har kəs de sionist rejim və Amerkə siyasəton bə i vırə hərəkət bıkon çəmə tərəfo ğəbol ni bə bın. 

İslam dınyo koonədə islamiyə inğilabi yolə rəhbəri mışovir Ayətullah Təsxiri həm həminə iclosədə təğrib beynəl xalğiyə icma qıləy qelobal təşkilat hisobış karde ki pidəş islamiyə ummətədə i bemoni de həmmə təşkilaton həmkari karde icod bıkə. 

Im iclosədə Livani əməl təşkilati nımoyəndə iyən Hezbullah təşkilati muavin həm sohbət kardışone. 

İslamiyə vəhdət beynəl xalğiyə 32-nə iclos ımruj detos Noyabri 26 Tehronədə bərpo bəbe. 

Im iclosi hədəf və şoar "Ğuds çı umməti vəhdəti mehvər" ğeyd bıə və təğribən 300 nəfəri alim dınyo 100 qılə kişvəronku əyo iştirok bəkan.