Astanədə Suriyə sulh muzakirəon tojə dıvrə iclos.

Zinə şəv Ğazaxıstoni paytəxt, Astanə şəhrədə Suriyə sulh muzakirəon tojə dıvrə iclos de İron-Rusiyə və Tırkiyəku nımoyəndəon iştirok karde bino bıə.

Bə İrib raporti əsos ım dıvrə muzakirəonədə İ Bıə Milləton Təşkilat, Yardaniya, Suriyə dıvlət və silohinə moxalifonku nımoyəndəon iştirok kardən.

Im muzakirəon detosə maştə dəvom kardedə.

Həminə çərçivədə zinə şəv Suriyə bohrani barədə İroni ali muzakirə əkə heyəti sədr Husein Caberi Ənsari de Suriyə muzakirə əkə heyəti rəis Bəşar Əlcəfəri və Suriyə barədə Rusiyə prezidenti məxsusə nımoyəndə Əleksander Lavrentif vindemon və dəvardə dıvrə mıvzoon barədə sohbət kardış.

Suriyə sulhi barədə muzakirəon de İroni təklif və Rusiyə iyən Tırkiyə həmkari dəvardə sori yanvariku bino be və detosə bə ısət 9 dıvrə həminə muzakirəonku Ğəzaxıston və i dıvrə həm Rusiyə Soşiədə bərpo be.

Həminə icloson nəticə, Suriyədə bohrani kam bey və otəş bast məntəğəon vekarde be.