Səudiyyə rejim İronədə xərobkaranə planon kəşe holədəy; İroni etırozinə məktub. 

İ Bıə Milləton Təşkilatədə İroni nımoyəndəti zinə qıləy məktubədə bə İroni zidd bıə Ərəbistoni əmniyyəti və iğtisodəti planon barədə notaş do. 

Im məktubədə ki bə İ Bıə Milləton Təşkilat rəis vığande bıə çı Ərəbistoni rəsmi şəxson sıxənon barədə İronədə canq və daveon bərpo karde, terroristiyə qrupon təhrik karde iyən noəmnə vəzyəti icod karde barədə nota doe be. 

Həminə məktobədə bəzi məlomaton çı Səudiyə rejimi bərnoməon barədə əcumlə İroni rəsmi şəxson terror və bə İroni iğtisod zərbə varid karde barədə təğdim bıə iyən ğeyd be: məntəğə stabilə kişvəron noəmn karde çərçivədə ım fəğət çı Ərəbistoni bəzi xəbisə siyasətonin. 

İ Bıə Milləton Təşkilat həmçınin məktobi oxoyədə bə Yəmənədə Ərəbistoni cinoyəton işorə bıə və təkid be: beynəl xalğ iştimaiyət bəpe Ərəbistoni bə canqiyə cinoyəton vəy qəte məcbor bıkə iyən rəsmən Yəməni insoniyə faciə barədə Ərəbistoni bənə məsol elan bıkə. 

Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.

Ərəbistoni hərbi təcovuz, Yəməni fəğırə kişvərədə ğəzo və dəvo-damon cəhətiku şiddətinə bıhrani bois bıə.

Co qılə məktobədə həm İron İ Bıə Milləton Təşkilat və Əmniyyət Şura rəison tərəfo İroni milləti təhdid karde barədə çı Amerkə xarıci vəzir Mayk Pompeo ğeyri diplomatikəkə sohbəton məhkum karde tələb kardeşe. 

Amerkə xarıci vəzir tojədən beədəb və ğeyri diplomatik sohbəton vasitə İroni milləti bə vəşiyanəti iyən dovo-damon sahədə sanksiya təhdid kardəş be.