İroni xarıci vəzir bə Pompeo anti İron sohbəton reaksiya nışoş do.

İroni xarıci vəzir bə Amerkə xarıci vəziri anti İron iddio ki bə İ Bıə Milləton Təşkilati Əmniyyət Şura 2231 ğətnomə zidd be reaksiya nışonış do.

Bə İrna zinə şəvi raporti əsos, Muhəmməd Cəvad Zərif votışe, Amerkə qele holədə İroniış bə İ Bıə Milləton Təşkilati Əmniyyət Şura 2231 ğətnomə rioyət nıkarde mıttəhəm kardedə ki ıştən əy ləğv kardəşe iyən co kəsonış bəy əməl karde xoto bə sanksiya məruz mande təhdid kardedə.

İroni xarıci vəzir de işorə bə ım mıvvzo ki Amerkə çı İ Bıə Milləton Təşkilati Əmniyyət Şura ğətnoməon barədə riyokorəti iyən 2 dimə rəftori ıştəniku nışo dodə əlovəş karde, puçə xiyolot ısət bə normalə metod Amerkə xarıci koonədə əvəz be.

Amerkə xarıci vəzir Mayk Pompeo iddioş kardə, İroni de rəketiyə imtivonon, İ Bıə Milləton Təşkilati Əmniyyət Şura 2231 ğətnomə ləğvış karde.

Im iddio dumoədə İroni xarıci vəzir sıxənəvot Bəhram Ğasımi votışe: İ Bıə Milləton Təşkilati hiç qılə ğətnoməonədə rəket ya İroni rəketiyə imtivonon ğədəğən bə ni.

Ğasımi təkidış kardə, İroni rəketiyə bərnomə mudafiə mohyətışe və bə İroni ehtiyacon əsos kəşə bəy.