Velayəti: Çabəhar terroristiyə həmlə amilon saxtə silli bəhardın.
Beynəl xalğ koonədə İslamiyə İnğilabi Yolə Rəhbəri mışovir Çabəhari terroristiyə həmlə məhkumış kardə və votışe: ım həmlə amilon və himoyə əkəyon çı İron İslam Respublika saxtə silli intizorədə bıbun.
Beynəl xalğ koonədə İslamiyə İnğilabi Yolə Rəhbəri mışovir Əli Əkbər Velayəti zinə əsr təkidış kardə: Çabəhari terroristiyə həmlə çı cinoyətkoron, terroristiyə qrupon və çəvonku himoyə əkəyon zəifəti iyən uciz mande nışonəy ki bə əzəmətinə İroni zu-ğudrət zərbə varid karde xəyol iyən İronədə noəmni icod kardey niyyətədən.
Velayəti təsdiğış kardə: İroni yolə millət və nizom de mığoviməti, İron və məntəğədə bənə dəvardə soron, çı sui-istifodə əkəyon iyən dışmenon xəbisə plani məğlub bəkan.
Beynəl xalğ koonədə İslamiyə İnğilabi Yolə Rəhbəri mışovir işorəş karde: beşək İron İslam Respublika ıştə iğtidor və izzəti royədə hərəkət bəkarde.
Dəvardə haftə pencşəmbə qıləy terrorist de bombaku pur bıə maşini bə İroni Cənub Şəğ Sistan və Bəloçestan ostani Çabəhar şəhristani polis mərkəz hucum karde ğəsdış be, əmmo hərbi ğıvvon muğavıməti xoto bə polis idarə vədə maşini tıpniye məcbur mande.
Im hucumədə 2 nəfər şəhid və 42 nəfər çı şəhrvandonku əcumlə çand jen və hırdən zəxmin bıən.
Çabəhari terroristiyə həmlə amil həlok be.
