Tırkiyə iyən sionist rejimi rəsmi şəxson miyono sıxani muharibə dəvom kardedə. 

Tırkiyə prezident votışe: detos bə zəmon ki sionist hırdən əkıştə rejim bə bəşəriyəti əleyh cinoyəton iyən vironəkə siyasəton xoto bə məsuliyəti cəlb nıbu co kəsonış mıttəhəm karde həxış ni. 

Bə Təsnim aqentiyəti raporti əsos Ərdoğani ım reaksiya zəmoni nışo doə bəy ki sionist rejimi i-nə vəzir votəş be: Ərdoğan Şimali Kipri işğalış karde iyən Tırkiyə və hamsuyə kişvəronədə bə kırdon ğətliam karde məşğule. 

Tojədən Tırkiyə xarıci vəzir Movlud Çavoş Oğlo həm sionist rejimi i minə vəziri bənə muasir dovrani xunsardə ğatil hisobış karde və votışe: Tırkiyə hiç vaxt Fələstin milləti himoyədorti kardeku dast ni bəkəşe. 

Əv çı Fələstin milləti muğavimət iyən şəhodət simvolonku 2 qılə şəhidon şikili ıştə Twitter mesajədə montəşirış karde. 

Tırkiyə iyən sionist rejimi rəsmi şəxson miyono sıxənani muharibə qıləy şərayetədəy ki Tırkiyə bənə i minə islamiyə kişvər miladi 1949 ədə israil pesoxtə bıə rejimi rəsmi zınəş be.