İron və Rusiyə miyono hərbi həmkarion hevujəti.

İroni silohinə ğıvvon mərkəziyə ğərorqo rəis və Rusiyə silohinə ğıvvon mərkəziyə ğərorqo muavin bə 2 tərəfiyə hərbi həmkarion inkişofi təkid kardeşone.

Bə Telerədio aqentiyəti raorti əsos zinə Tehronədə İroni silohinə ğıvvon mərkəziyə ğərorqo rəis qeneral mayor Muhəmməd Bağıri de Rusiyə silohinə ğıvvon mərkəziyə ğərorqo muavin qeneral Spinov vindemon karde, de işorə bə dınyo və məntəğə ısətnə vey həssosə vezyət votışe: de terrorizmimubarizə barde sahədə Suriyədə İron və Rusiyə hərbi ğıvvon muvəffəğiyət ijən məntəğədə terroriston məğlubiyət, de təhdidon mığobilə karde 2 qılə kişvəri iradəon nışonış do.

İm vindemonədə İroni silohinə ğıvvon mərkəziyə ğərorqo rəis təkidış kardə: İron və Rusiyə qeostratejik və qeopolitik zərfiyyəton 2 qılə kişvəri həmkarion zumandəti bois bəy.

Qeneral Spinov həm bə İron və Rusiyə tarixiyə rabitəon işorəş karde və votışe: bo 2 qılə kişvəri həmkarion muxtəlifə sahəonədə vey zəminəon hestin.

Rusiyə silohinə ğıvvon mərkəziyə ğərorqo muavin ijən de İroni İslam Respublika dıyo ğıvvon fərmondə Husein Xanzadi vindemon və sohbətış karde.

Im vindemonədə 2 tərəf hərbi həmkarion zumandəti və mıştərəkə manevron bərpo bey barədə sohbətışon karde.