Ğasımi: Tramp fəğət ıştə botıl və ğeyri-mımkunə arzuon bəyonış karde.

İroni xarıci vəzarətxonə sıxənəvot İroni vəzyəti iyən de Vaşenqton muzakirə kardey barədə Amerkə prezidenti beəsos və tikroriyə iddioon reaksiyaədə votışe, Donald Tramp fəğət ıştə botıl və ğeyri mımkun arzuon bəyonış karde.

Bə İrna deşənbə şəvi raporti əsos, Bəhram Ğasımi əlovəş do, Amerkə prezident Donald Tramp bənə dəvardə dovrani məntəğə və İron, tarixi təhəvvolaton iyən Amerka dıvləton qırd səhvə siyasətonku dərs nıqəte ijən İroni millət və ğədimi sərzəmini barədə ıştə be məntığ və nifrətə sıxənon bəyonış kardə ki ijən miyonə əsri ğudrət mənsəb pərəston və təməkoron tikrorri befoydə sıxanonin.

İroni xarıci vəzarətxonə sıxənəvot İroni barədə Trampi sıxənon de vağıiyəti mıntəbiğ zınəş nıbe iyən əlovəş do, həmmə ədovətkorə cəhdon vucudi əmmo bə İroni millət zidd Amerkə deşmənçiyə hərəkəton və puçə xıyolot ta ım zəmon befoydə be və beşək vəomeyədə həm jığo bəbe.

İroni xarıci vəzarətxonə sıxənəvot əlovəş do, Amerkə prezident ıştən zındəy ki İron İslam Respublika, çand da soronədə de Amerkə sankaiya siyasəton və təziğon oşno iyən dim bə dime bıdə.

Ğasımi təkidış kardə, Tramp oğo bıbu ki İroni millət hiç vaxt Amerkə zalımonə təziğon vədə təslim nibəbe, əv həm həmonə hakımon vədə ki hurmət karde əvəzi sanksiya iyən pardi əvəzi divoon vıjnıdə.

İroni xarıci vəzarətxonə sıxənəvot ijən təsdiğış kardə, İronıjəon ıştə saxt əmmo fəxrinə tarixi mıddətədə yodışon qətə ki çoknə təməkorəti və zılmi vədə mığovimət iyən dışmenon məğlub bıkən.

Donald Tramp zinə bə İroni əleyh şand manq çimiku bənav oko doə bıə sanksiaon bəpeştə iddioş karde ım sanksiyaon əsərin be və Tehron de Amerka muzakirə tələbış kardə.