Hac Tale Bağırzodə ənəhardəti aksiya fikədəy.

Azərbaycan Respublika mısılmonon ibemon hərəkati məhbusə lider elanış karde: əqə zindoni məmuron tərəfo cismi iyən pisixi cəhəto işkəncəon dəvom peydo bıkə əv həm ənəhardəti aksiyaon bino bəkay.

Bə rəsə xəbəon əsos Tale Bağırzodə bəştə ailə votış be: Ğoboston zindonədə məmoron tərəfo təhdidon, məhkumiyəti mıddəti dıroz karde iyən de xətərnokə məhboson bə i co zindoni karde mıni bə anə hardəti aksiya bino karde məcbor bəkay.

Azərbaycan Respublikaədə dini iyən siyasi məhboson bevəcə vəzyət iyən əvoni muxtəlifə cəhəto əşkəncə doe hejo beynəl xalğ təşkilaton tərəfo təsdiğ bıdə.

Jıqo ki zındon Tale Bağırzodə təğribən 4 sor çımiku bənav nardaran veyədə nımoj vote bəpeştə Ərbəin Huseyni mərasimədə nıtğ karde cərəyonədə dastqir və nohəx bə 20 sor həbs məhkum be.

Tojədən Azəri jurnalist Mihman Huseynovi dusiyədə nohəxə əməlon zindonədə ım məşhur jurnalisti anə hardəti Aksiya dəvoniyə bois bıə ki oxoy sə de cəmaəti dəvardə haftə etıroz aksiyaon hukumət əvışon bə zindoniku ozod karde məcbor mandə nin.