İroni rəketiyə bərnoməon de Əmniyyət Şura ğətnomə həmohənq dəvom kardedə.

Tehronədə Rusiyə səfir İroni Avyasiya bərnoməon barədə bə çəy sulhin hədəfon işorəş karde iyən votışe: Avyasiya sahədə inkişof və ozavziyə çı İroni oşkorə həxe.

Tehronədə İroni səfir Levan Caqariyan de Spotink mısohibə karde bə İroni zid bıə Amerkə sanksiyaon işorəş karde və votışe: Rusiyə nat şirkəton Amerkə sanksiyaonku təbəiyət ni bəkan ijən de İroni həmkari karde pidəşone.

Əv ijən İronədə rəket bərnoməon çı Əmniyyət Şura 2231 ğətnomə çərçivədə qıləy oşkorə həx çı İroni mudafiə bərnoməon hisobış ka.

Caqariyan Suriyəku İroni xarıc karde barədə ğərbion ğil-ğali barədə həm votışe: İroni hərbi məslehət bıdə huzur de Suriyə dıvləti rəsmi dəvət əncom bıə ijən ğanuni forma dəvom kardedə.

Əv Suriyə bıhrani həl karde barədə bə Fevrali 15 Suçiədə bıə iclos işorəş karde və İron, Tırkiyə iyən Rusiyə miyono 3 tərəfiyə iclosi Astanə votımon çərçivədə hisobış karde ki vey təsirin bəbe.