İroni rəketiyə ğudrəti inkişof dəvom peydu bəkay.

Sepah təşkilati fərmondə caneşin təsdiğış karde: İroni rəketiyə ğudrəti inkişofi vəy qəte imkonış ni ijən ım sahədə çəmə vədə hiç məhdudiyəti texnoloqiya cəhətiku moşahidə nibəbe.

Qeneral Mayor Huseyn Səlami zinə şəv qıləy ixtesosi mısohibədə votışe: İroni rəketiyə bərnomə qıləy mudafiə bərnoməy.

Sepah təşkilati fərmondə caneşin əlovəş ka: ım ğudrət bə İroni milləti iradəon vabəstəy ki İroni Yolə Rəhbəri tərəfo mıəyyən bıdə.

Əv bə Avropa tərəfo icod bıə ğil-ğalon işorəş karde və votışe: İroni rəketiyə bərnomə çı İroni ğanuni mudafiə ğudrət və milləti əmniyyəti qarantiyaəkəy.

Sepah təşkilati fərmondə caneşin təsdiğış ka əqə Avropa ya co kəson qıləy xəbisə plani çərçivədə İroni be siloh karde fikədən oğo bıbon ki İron həm stratejik cəhəto bə rəket bərnoməon inkişofi sorət bədoy.

Əv İroni rəket bərnoməon məntəğə əmniyyəti çərçivədə zınəş be və bə ğərb tosiyəş karde ki ım sahədə İroniku har curnə tələbi elan kardeku bə kəno bemandon.

Əv məntəğədə de terrorizm mubarizə barde sahədə bə İroni səy-cəhdon işorəş karde və votışe: əqə bə nıbe de terrorizm mubarizəon ısət Avropa bəpe dəhəşt və noəmniyyətiədə jimonəkəy çən İroniku Avropa ğədrdontəti karde lozime.