Ələvi: iğtisodi fişaron çı İroni milləti təslim nibəkay.

İroni kəşfiyot vəzir votışe: iğtisodi fişaron bo İroni milləti təslim kardero çı dışmenon qıləy plane ki hıkmən de İroni milləti muğavimət be əsər bəbe.

Bə İrna raporti əsos Seyed Məhmud Ələvi Xozıstan ostanədə fəcri da rujə mərasimon təbrik vote bəpeştə əlovəş ka: İroni millət de bəsirət ijən iğtisodi bəzi mışkolaton çı nizom və inğilabi prinsionku co hisob kardedə iyən ıştə inğilabi 40 minə sorəqardışi vey əzəmətinə bərpo bəkay.

Ələvi votışe: Bəhmənə manqi 22ədə İroni millət deştə əzəmətinə huzuri ijən istikbor və deşmənonış nomid və məğlub bəkay.

Əv çı deşmənon daemiyə həmləon vədə bə İroni milləti vəhdət işorəş karde və votışe: millət de İroni Yolə Rəhbəri hidayəton nə ın ki deşmənon vədə zəif nin bəlkəm çəvon xəbisə plan və hədəfon bə çəvon tərəf obqarden.

İroni kəşfiyot vəzir ım səfərədə ijən votışe: detosə bə ısət çandə terrorçiyə qrupon ki Bəhmənə manqədə İroni noəmn karde fikədə bin dəstqir bıən.