Əfğanıstoni siyosi vəziyətiku xəbəon.

Qılə holədə ki Əfğanıstoni prezidentəti məslehətçi Nəcibullah Mucəddədi Moskvaədə Əfğani qrupon və Talebani miyono mısbətə muzakirəonku xəbə dodə əmo Əfğanıstoni senat parlemanti sədr Fəzl Hadi Muslem Moskvaədə dəvoniyə bıə vindemon və muzakirəon fəğət çı Talebani tələbon çərçivədə zınəş be.

Tojədən Əfğanıstoni prezidenti muavin Surur Danış Kabolədə alimon cəmədə elanış karde ki Əfğanıstonədə sulhi barde hərcurnə muzakirə bəpe Əşrəf Ğəni dıvləti nəzorət iyən Əfğanıstoni kanstitusiya jentonədə bərpo bıbu.

Əmmo Sərpul viyolətədə Talebani bə Əfğanıstoni əmniyyəti ğıvvon həmlə karde nəticəku 3 nəfər çı əmniyyətiyə ğıvvon kıştə bıən, co tərəf xəbə ome Ğəzəti viloyətədə bə Taleban qrupi həmlə karde nəticədə çı qrupi qılə ali lideron Rəfiullah kıştə bəy.

Tojədən Amerkə bə pensiya beşə qeneral Dan Boldak bə Əfğanıstoni canqədə Vaşenqtoni məğlubət etırofış karde.