Pakiston bəpe ıştə sərhədədə bıə terroriston məhv bıkə.

Pakistoni qıləy rujnomə ım kişvəri dıvlətiku tələbış karde ki İroni Sistan və Bəluçıstan ostanədə terroristiyə həmlə amilon vədə ciddi reaksiyaon əncom bıdə.

Bə İrna raporti əsos Deyli Taymz rujnomə ıştə məğalədə bə Pakistoni dıvlət tosiyəş karde ki bə İroni sepah ğıvvon həmlə karde mıvzo barədə ciddi bıbun iyən ğərbi sərhəddonədə əmniyyəti təmin karde xoto cido komilə təhğiğon bino bıkən.

Im rujnomə məğalə dəvomədə bə Pakistoni co qılə hamsoyə kişvəron tərəfo elan bıə şikayəton çın kişvəri sərhədədə əmniyyəti vəzyəti bevəcə barədə işorə bıə.

Pakistoniku ım rujnomə tələbış karde ki İslam Abadi dıvlət ijən de İron muzakirəon bo iğtisodi əloğəon dəvom doe bino bıkə.

Beynəl xalğ məsələon koşınas, çı Tırkiyə unniversiti ostad Əbbas Kara Ani Çeli həm tojədən İroni cənub şərğədə terroristiyə həmlə çı Pakistoni dıvləti zəifəti iyən de terroristiyə qrupon mubarizə nıkarde çərçivədə zınəş be.