Brayan Hoki sıxənon, dınyoədə Amerkə zəifə vırə nışonəy.
İroni xarıci vəzarətxonə sıxənəvot, Brayan Hoki tojə sıxənonış çəy ğələt və nadırıstə dərki nışonə zınəş be.
Bəhram Ğasımi votışe: Hok ijən ıştə nodonə sıxənon dəvomədə İroni milləti barədə deşmənə siyasəton tikrorış karde.
Əv təkidış ka: Amerkə rəsmi şəxson bəpe oğo bıbun ki ımroj ijən Amerkə karde ni bəzne ıştə anti bəşər tələbon icra bıkən boçi ki diktatoriyə hərəkəton zəmon sə be.
İroni xarıci vəzarətxonə sıxənəvot votışe: dınyoədə təhəvolatonədə diyə karde bəpeştə Hok bəpe dərk bıkə ki məntəğədə vəzyət de Amerkə meyl və tələbi həmohənq ni və ım çı Amerkə zəifə vırə nışonəy.
Ğasımi ijən təkidış karde ki Amerkə dıvlət bəpe bə İron anədə zərəl-ziyanon və anti bəşər hərəkəton barədə cəvob bıdən.
Amerkə xarıci vəzarətxonədə İroni barədə məxsosə kamissiya və qrupi yol, Brayan Hok tojədən mıdoxiləkə sıxənon çərçivədə votışe: hiç kişvəri ijən İroni sanksiyaonku ozod ni bəbın.
