Boçi Amerkə de İron və Rusiyə dışmenəti kardedə.

İroni mudafiə vəzir votışe: İron və Rusiyə mıstəğilə rol iyən siyasəton xoto de Amerkə dışmenətion dim bə dim bıən.

Qeneral Hatəmi zinə şəv de Raşatodi mısohibə karde təkidış ka: İron və Rusiyə deştə həminə mıstəğilə siyasəton hejo məntəğədə əmniyyət və stabiləti bərpo kardero cəhd karden əmmo ım məsələ de Amerkə zalimə siyasəton həmohənq nı bey qornə əvoni norohət kardedə. İroni mudafiə vəzir votışe: əqə çı İron və Rusiyə çı Donald Trampi problem icodəkə ğərolon vədən əmmo dınyo həm ım problemiku oqniyə. Qeneral Hatəmi Amerkə anti sepah hərəkəton təsiri barədə həm təkidış karde: sepah qıləy inğilabi və millətiku iborət bıə təşkilatie ki İron və məntəğədə de terrorizm mubarizə barədə sahədə vey çokə karnaməş heste. 

Əv bə məntəğədə Amerkə cinoyəton xusosi İroni musaferiyə təyyarə məhv karde işorəş ka və votışe: anti sepah  hərəkəton sepah və İroni strateqiyaon xusosi məntəğədə İroni siyasətonədə təsirış ni bəbe. 

Qeneral Hatəmi çı Amerkə təhdidon barədə həm votışe: İron deştə zumandəti çok karde bəzne ıştə mənafe və çokə roon zıne və əvoni oqəte.