Amerkə anti İron sanksiyaon vəy bəpe qətə bıbu.
Çandə çı Ermənistoni siyasi və iştimai koşınason iyən siyasi eksperton ım kişvəri dıvlətiku tələb kardəşone ta de siyasi mıstəğil nəzəron Amerkə anti İron sanksiyaon vədə ciddi muxalifət bıkən.
Bə Erməni rədio raporti əsos İrəvan dıvləti unniversiti İron şınasi kursi rəis bo anti İron sanksiyaon betəsir kardero bə Ermənistoni muğavilə əkə hərəkəton işorəş karde və votışe: hətto Amerkə mıttəfiğon əcumlə İnqiltəra ım sahədə de Amerkə bə i co bə nin.
Vartan Vovskaniyan İroni ijən təhrim karde qıləy i tərəfi beynəl xalğ ğanuni ləğvəkə zınəş be və əlovəş karde: Erməniston bəpe de İron İslam Respublika əloğəon inkişof doe idomə bıdə və ıştəni çı Amerkə mənafe jiədə ğəror nıdə.
Ermənistoni siyasi koşınas Soren Serkisiyan həm tojədən votışe: Amerkə anti İron səy-cəhdon həmmə çı sionist rejimi mənafe cəhətdəy.
Ermənistoni xarıci vəziri nakonə muavin Armen Navasartiyan bə Erməniston Amerkə fişar varde de İron əloğəon kam karde xoto işorəş karde və təkidış ka: ım ki Ermənistoni i minə vəzir bə Tehron-İrəvani miyono əloğəon hevu jəti əhəmiyyət dodə 2 qılə kişvəri stratejik və nığılə əloğəon iyən çı nəzərku İroni barzə vırə əlomətdore.
