Dınyo taekvondo çempiyonat; İronıjə kinə nığə medali kəsbış karde.
May 17, 2019 17:47 Asia/Tehran
İroni taekvondo və milli kamanda 17 sinış bıə kinə Beritaniyaədə bıə dınyo taekvondo ğəhremanti mısobiğəonədə 2 minə vırə kəsbış karde.
Bə İrna raporti əsos 46 kiloku bə kam bıə vəznədə İronıjə taekvondoist Məhla Momenzodə zinə şəv tılıe medali kəsb karde xoto de Cənubi Koreya nımoyəndə hənkış be əmmo de viyə səy-cəhdon vıcudi 11 bə 6 məğlob be iyən dınyoədə 2 minə vırə kəsbış ka.
Dınyo taekvondo ğəhremanti rəğabəton de 150 qılə kişvəronku 975 nəfər taekvondoisti iştirok karde Mayə manqi 16ku Beritaniyaədə bino bıə.
Zinə şəv İroni milli kamanda co qılə uzv Armin Hadipur həm həminə vəznədə muvəffəğ be dınyoədə berınc medali kəsb bıkə.