İraği prezdent Ələğsa məçitiku himoyə karde həxədə işarəş karde.

İraği prezdent ərəbi və islamiyə məmləkətonku piyəşe Ğuds və Ələğsa məçitiku himoyə bıkən.

İraği prezdent Bərhəm Saleh zinə şanqo Məkkə şəhrədə ərəb itifaği yolon foğəladə iclosədə votışe:Ələğsa məçit komək nidoş rost kardə və ım qıləy holədəy ki bəy cəvob ədə ni.

Bərhəm Saleh eyne holədə votışe:İron İslam Respublika mıslmon və bıvə məmləkəte və çəy əmniyyət və oroməti bə məntəğə və ərəbiyə məmləkəton nəfe.

İraği prezdenti votışe:iraği əmniyyət məntəğə əmniyyəti binovrə və əsose və məntəğədə har qılə ehtimal doə hərəkət ,iraği əmniyyəti de xəto dim bə dim bəkay.

Bərhəm Saleh votışe:iraği əmniyyət və oroməti zumand karde bə ərəbi və məntəğəiyə himoyə ehtiyociş heste və votışe:İrağ bıhronon həl kardeyu və məntəğədə canq və xışmqinətiku doəru mandeyu dim bə dimə muzakirə tələb kardə.

İraği prezdent eyne holədə bə Suriyə milləti həxi ehtıron noe qıləy ozod və izzətmandə jimoniyu işarəş karde və votışe:bəpe bə məmləkəton hakimiyyət ehtırom bınəmon və xariucion mudaxilə çəvon daxili koonədə məhkume.