Bə Eko təşkilatədə uzv bıə kişvəron İroni ixracat ziyod bəbe.

İroni sənaye, mədən və ticarət vəzir bə Eko nomo bıə iğtisadi həmkari təşkilati kişvəron zumandə iğtisadi inkişof və ixracat iyən istihsolədə ronəği zəruriyat təkidış karde.

Bə İrib raporti əsos Rıza Rəhmani de Eko təşkilati rəis vindemon karde və votışe: məntəğədə ticarət bo Eko təşkilati uzv bıə kişvəron vey muhimme ki çəmə siyasətonədə təsdiğ bıə.

İroni sənaye, mədən və ticarət vəzir bə Eko təşkilati çərçivədə tranzit baxşədə koon hoston bey zəroriyat işorəş karde və votışe: de həminə sahədə nəğliyoti inkişof Eko kişvəron miyono ticarət və iğtisadi əloğəon ziyod bəbe.

Eko təşkilat de İron, Pakiston və Tırkiyə rəhbərəti 1985ədə iğtisadi, texniki və mədəni əloğəon xoto təsis bıə.

İron, Pakiston və Tırkiyə kənoədə Əfğanıston, Azərbaycan Respublika, Ğəzaxıston, Tacikiston, Tırkməniston və Ozbəkiston həm Eko nomo bıə təşkilatdə uzvin.