Moskvaədə İroni islamiyə inğilabi barədə elmiyə iclos.

İmom Xomeyni(r) əndişə və fikon jentonədə islamiyə inğilabi barədə i minə elmiyə iclos Moskvaədə de İron və Rusiyə alimon iştiroki bərpo be.

Bə İrib raporti əsos ım iclosədə İroni dıvləti kabineti sərkatib haci Mirzai və Rusiyədə İroni səfir Mehdi Sənai iştirokışon be.

İclosədə iştirokəkəyon İroni inğilobədə İmom Xomeyni(r) rəhbərəti, əndişə, şəxsiyəti xosusiyəton iyən elmi, məzhəbi və siyasiyə sirə və rəftori barədə sohbət kardışone.

Selavin Xalığon şura rəis, Zaftra rujnomə sər redaktor, Rusiyə Asiya hesse dini idarə yol, islam dınyo və Rusiyə mutaliə mərkəzi yol, Rusiyə jurnaliston i bemoni sərkatib, mədəniyət iyən təmədon  ibemon mərkəzi muavin iyən çandə sosiyal şəbəkəonədə bıə fəalon həm zinə ruji iclosədə iştirokışon be.

Im iclosədə Rusiyə islamiyə mərkəzi rəis Huccətul İslam Vəlmoslemin Ceddi, İroni səfarətxonə mədəniyə mərkəzi yol Soleymani iyən Moskva islamiyə təhğiğ mərkəzi yol hadə vey ıştə nıtğonədə bə İmom Xomeyni(r) şəxsiyət və rol işorəşon karde.