Tehronədə Şinzo Abe səfəri hədəfon.

Yaponiya qıləy məşhurə rujnomə təsdiğış karde ki ım kişvəri i minə vəzir Tehronədə bə ətomiyə sazışi əhəmiyyət təkid bəkay.

Yapon Taymz rujnomə məğalədə ğeyd bıə: Şinzo Abe de İron və Amerkə miyono bıhranon kam karde hədəfi bə İron səfər bəkay ki ım səfər dəvardə 40 sori mıddətədə stajış ni.

Bə ım rujnomə raporti əsos Asiya ğərb çı Yaponiya nat ehtiyacon vey muhimmə mənbə və təminəkəy və ım məntəğə iyən Hurmoz tanqə əmniyyət çı Yaponiya enerji əmniyyəti amil hisob bıdə çən Tokiyo pidəşe ki məntəğədə hərbi ehtımaliyə problemon vəy beqəti.

Yaponiya dıvlət rəsmən elanış karde ki ım kişvəri i minə vəzir i yoni 12 bə Tehron səfər bəkay.

Jığo elan bıə ki Şinzo Abe səfəri həmohənq karde xoto Yaponiya xarıci vəzir ome rujon bə Tehron bomey ta de İroni xarıci vəzir vindemon bıkə.