Ruhani: İron dınyoədə terrorizmi nıfuz iyən hevujəti vədə mane bıə.

İroni prezident bə Suriyə və İrağədə de terrorizm mubarizə barde sahədə İroni rol işorəş karde və votışe: İron dınyoədə terrorizmi nıfuz iyən hevujəti vədə mane bıə.

Bə xəbəon əsos, İroni prezident Tacikistani doşəmbə şəhrədə Asiya xatircəməkə həmkarion kırtə Sika iclosədə votışe: de diğğət bə ısətnə həssasə dıvran, Sikadə uzv bıə kişvəron de huşinə siyasəton çand tərəfə hərəkəton çərçivədə i tərəfə rəftoron vədə mane bıbun.

İroni prezident əlovəş karde: Tehron vey kərə sulh və əmniyyəti oqəte xoto bə 2 tərəfi və çand tərəfi siyasəti iyən əmniyyəti prosseson icod karde təkidış karde.

Ruhani Fələstin məsələş dınyo və məntəğədə noəmni və repressivə hərəkəton amil zınəş be və votışe: şərifə Ğudsədə sionist rejim və Amerkə be ğanunə hərəkəton barədə sukut bois bıə ki ım bıhran hələ həl nıbu.

İroni prezident bə Amerkə ısətnə dıvləti siyasəton, məntəğə kişvəron noəmn karde xoto işorəş karde və ım siyasətonış milləton həx-huğuği zayəkə zınəş be.

Əv bə ətomiyə sazışiku Amerkə xaric bey anti İron sanqsiyaon dəvom işorəş karde və votışe: İron karde ni bəzne i tərəfi sorət ım sazişədə bemando və çən co kişvəron bəpe ətomiyə muğavilə oqəte xoto ıştə səhmi ədo bıkən.

Ruhani İroni xarıci siyasəti prinsiponış bə həmkari, mıştərikə mənafe iyən mıtəğabilə foydə əsos zınəş beş

İron, Ğəzaxıston, Əfğanıston, Pakiston, Cənubi Koreya, Çin, Rusiyə, Fələstin, Hindıston, Rusiyə, Mənğolıston, Ğəzağiston, Ozbəkiston, Tacikiston, Taylənd və Azərbaycan Respublika çı Sika Təşkilati uzv bıə kişvəronin.