Bağdadı terroristiyə tıpımonədə 21 nəfər kıştə bedən.
İraği paytəxt Başəhri Əğdad şəhri qıləy ticariyə məntəğədə ki izdihaminə vırə bə tıpımoni nəticədə 21 nəfər kıştə bedən.
Bə iraği Əlsumeriyə xəbəriyə kanali elanon əsosi ımruj sıb Bağdad Əlsənk ticariyə məntəğədə 2 qılə tıpımon ım şəhri lorzınedə.
bəzi mərkəzon həm həminə tıpımonədə 50 nəfərisə ve yarəjə beku xəbə dodən və elanışon kardə ki yarəjəon bevəcə holi xoto kıştə bə kəson ədədi ve be imkon həm heste.
dəvardə 5 şanbə ruji həm Bağdad şəhri cənub Əlmualif məntəğədə qıləy maşini dılədə noə bə bomba tıpneədə 1 nəfər ğeyre hərbi kıştə və 6 nəfər həm yarəjə bedən.
bə iraği rəsmi şəxson votəyon əsosi terroriston iyandı bə domo canqi meydonədə məxsosən Neynəva şimaliyə ostanədə məğlub be bəpeştə ğeyre hərbiyə vıronədə terroristiyə əməliyatonışon ıştə əsosə planədə noəşone.
