Sepah Amerkə hərbi qəmionku kəşə filmon muntəşirış karde.

İroni sepah təşkilati umumiyə rabitə zinə de Amerkə hərbi qəmiku kəşə filmon muntəşir karde Fars dıyoədə İroni bepilotə təyyarə məhv karde barədə Amerkə prezident Donald Trampi iddio be əsos bey təsdiğış karde.

Im bəyaniyədə ğeyd bıə: sepah təşkilati bepilotə təyyarəon de komilə məlumat ehatə dəvardə pencşambə ıştə cari məmuriyəton dəvomədə bə Hurmoz tanqə Amerkə USS yolə hərbi qəmi və de əy bə i co bıə 5 qılə qədə hərbionku 3 saət film kəşe bəpeştə bəştə hərbi baza oqardışe və ım əməliyati cərəyonədə Amerkə hərbion tərəfo de hiç curnə təhdid dim bə dim nıbe.

Sepah təşkilat İroni bepilotə təyyarə məhv karde barədə de Donald Trampi iddea məsxərə karde elanış karde be ki ım bepilotə təyyarə kontrol əməliyatiku sənəd və filmon muntəşir bəkay.

Çımiku bənav həm İroni xarıci vəziri siyasi muavin Seyed Əbbas İrağçi Trampi iddeo məsxərəş kardə be və Twitter mesajədə elanış karde ki Amerkə ğasebo ıştə təyyarəonku qıləy ni Fars dıyoədə məhvış karde.

İroni xarıci vəzir Muhəmməd Cəvad Zərif həm Twitter mesajədə asiya ğərbədə Amerkə mıdoxilə icodəkə bıhraninə siyasətonış bə Amerkə nışoş do və təkidış karde ki Amerkə hərbi qəmion boçi çand həzo kilometr ıştə əvonku dıyəro Farsədən.