Həsən Ruhani məxsusə mesaji.

İroni prezidentəti məxsusə nımoyəndə Seyed Əbbas İrağçi zinə şəv de Fransə prezident Emanoel Məkron vindemon karde İroni prezident Həsən Ruhani məxsusə mesaji bə Məkron doşe.

Bə İrna raporti əsos ım məktubədə məvuji muxtəlifə mıvzoon barədə sohbət bıə.

İclosi kənoədə dınyo və məntəğə vəziyəti xoto bə diplomatiya şivəku çok istifodə karde təkid bıə.

Çımiku bənav İroni xarıci vəziri siyasi muavin de Fransə xarıci vindemon karde Fars dıyoədə bə İroni hakımiyəti həx təkidış karde və votışe Hormoz tanqə əmniyyət de İroni səy-cəhdon təmin bəbe.

Əv ım vindemonədə bə anti İron Amerkə iğtisodi canq və ğeyri ğanuni sanksiya, Amerkə vədə Avropa ehdəmonon əməli bey, nati həvate xoto İroni həx iyən bə İron makzimum fişaron be təsir bey təkidış karde.

Fransə xarıci vəzir Jan Eyo Loderiyan həm ım vindemonədə bə Fransə səy-cəhdon ətomiyə muğavilə oqəte xoto işorəş karde və bə Fransə İroni prezidentəti məxsusə nımoyəndə səfəri vey əhəmiyətin zınəş be.