Ərdoğan: Tırkiyə çı Amerkə təhdidonku tarsış ni.
Rusiyəku S400 rəket mudafiə sistemi hırye barədə Tırkiyə prezident çı Amerkə təhdidon be təsir zınəş be və votışe: Amerkə bəpe de bə Tırkiyə F35 hərbi təyyarəon təhvil doe vasitə mənteği koon əncom bıdə.
Bə İrib raporti əsos Rəcəb Təyyeb Ərdoğan ıştə tərəfdaron cəmədə votışe: Tırkiyə bə Amerkə ım muğavilə puli doeş və əqə Amerkə ım muğaviləku imtinoe bekoy Tırkiyə co roon və ğərolon əməli beqarde.
Jıqo elan bıə ki ım hərbi muğavilə erj i milyard və 400 milyon dollar bəbe.
Qılə holədə ki Amerkə vey kərə Rusiyəku S400 rəket mudafiə sistemi hırye barədə bə Tırkiyə nota doeş be əmmo Rusiyəku ım kompleksi bə Tırkiyə ovıştoniyə prosess çand faxte ki bino bıə.
Koşınason jıqo təhlil kardən ki ım senari qıləy bəhonə be ki Amerkə tərəfo anti Tırkiyə sanksiya və təhrimon de şiddəti bino və dəvomış bıbu.