Amerkə məntəğədə noəmnə vəziyəti əsliyə amile.
İroni mudafiə vəzir de Ğətər, Koveyt və Umman mudafiə vəziron telefoniyə rabitə ədə votışe: de dıyo nəğliyoti əmniyyəti təmin karde bəhonə Amerkə pesoxtə bıə hərbi koalisiya hukmən məntəğədə noəmnion əlovə əkəy.
Qeneral mayor Əmir Hatəmi ım telefoniyə rabitəonədə təkidış karde: məntəğə əmniyyət Fars dıyoədə İron və hamsoyə kişvəron miyono mıştərik stratejik məsələy ki bə çəy barədə muzakirə kəmon.
Qeneral mayor Hatəmi bə İron və hamsoyə kişvəron miyono əloğəon işorəş karde və votışe: har kişvərədə və ya xot bə har kişvəri zid təhdidon ğəbul kardə nin ki və məntəğə bəpe xarıci hərbi ğıvvon vırə nıbu.
Im telefoniyə rabitədə Ğətər, Kuveyt iyən Ummani mudafiə vəzarətxonə rəsmi şəxson həm bə ım məsələ və mıvzoon təkid kardışone: məntəğə əmniyyət bəpe de kişvəron miyono həmkarion vasitə təmin bıbu, İron çı məntəğə sulh və əmniyyəti oqəte xoto təsirinə rolış heste, 2 tərəfi əloğəon bəpe ziyod bıbu, məntəğə kişvəron miyono dıyo hərbi sahədə həmkarion bəpe bino bıbu və məntəğə əvon əmniyyətədə məntəğə kişvəron bəpe ıştə roli ifo bıkən.
