Tojə miladiyə sori şəvədə İstanbulı xuninə şəv.

Turkiyə polis elanış karde İstanbul şəhrədə bə şəvi klubi hucum kardə kəsonku qıleni terroristiyə hərəkəti bəpeştə tıle holədə bəy ki polis əy kıştə.

Voteydən ki hucum kardə kəson 3 nəfər bən ki şəxtə baba olətışon takardə bı 2017 minnə tojə sori şəvədə İstanbul şəhri avropaiyə baxşədə bə qıləy şəvə klubi hucum kardən.

 İstanbul şəhri fərmondor Vasip Şshin votəşe: bə ım şəvə klubi qullə ğande qıləy terroristiyə hərəkət bəy və elanış kardə 35 nəfər əcumlədə 1 polis ım terroristiyə hərəkətdə kıştə bə və heç nıbo 46 nəfər həm yarəjə bən.

bə Turkiyə mediyaon elanon əsosi heç nıbo 700 nəfər ım şəvə klubədə huzurışon bə.

çımiku bə nav dekabri 10 nə ruji İstanbul şəhrədə 2 qılə bomba tıpe nəticədə ki çəy hədəf həm Turkiyə polis ğıvvon bin 44 nəfər kıştə və çandə da nəfər yarəjə bedən.

İstanbulı şəhr dəvardə rujonədə həmmişə əmniyyəti ciddiyə xəbərdarətionədə dim bə dim be və təğribən 17 həzo qılə polis Turkiyə ım şəhrədə nəvedə bı.

həminə holədə bə terrori zid Turkiyə polis ğıvvon zinə İŞİD terroristiyə qrupi 8 qılə terroristi ki ğəsdışon hest bı tojə sori dəmeədə terroristiyə hucum təşkil bıdən Ankara şəhrədə dəstqir kardən.

bə Turkiyə xəbəriyə mərkəzon elanon əsosi ım məmləkətdə 2016 minnə sori İŞİD terroristiyə qrupi hucumonədə 227 nəfər kıştə bən.