Həzrət İmom Huseyn(ə) pokə zərih siyoə matəmə ranqış qəte.

Həmzəman de məhərrəmə manqi dəme mınosibəti,dınyo şiəyon 3 minnə imom Həzrət İmom Huseyn(ə) pokə zərih Kərbəloədə de siyoə pərçəmon və parçəon matəmə holətış qəte.

Bə Parstoiday  şanbə şəvnə xəbon əsosi Məhərrəmə manqi 1 minnə şəvədə eyne holəıdə Huseyniyə aşığon çandə həzo nəfəriyə huzurədə,Həzrət Seyyeduşohəda(ə) pokə qımbəzi pərçəm həm əvəz be.

Həmzəman məhərrəmə manqi dəme iyən İmom Huseyn(ə) və çəy vəfodorə əshabi şəhodəti matəmə əyyam,Həzrət Seyyeduşohəda iradətmandon,mığəddəsə vıron,təkiyəon,məçiton və hətta ıştə kəybəşon de matəmə pərçəmi siyoşon kardə və şəhidon salariyo əzadarəti kardən.

ımruj 1 şanbə hicri şəmsi 1398 nə sori bərobər de milady 2019 minnə sori sentiyabri 1 hicri ğəməri 1441 minnə sori məhərrəmə manqi 1 minnə ruje.

Kərbəlo norohətəkə hadisə iyən İmom Huseyn(ə) və həzrəti vəfodorə əshabi şəhodətiku çandə əsr dəvarde bəpeştə ne ım ki ım hadisə əhəmmiyyət və erjiku kam bə ni bəlkə ha çəxtə dəvardedə Aşora mesaj inkişaf kardə və əzadariyə mərasim de veyə şor iyən dərəse bərpo bedə.

dınyo şiəyon 3 minnə İmom və çəy vəfodorə əshab hicri ğəməri 61 minnə sori Məhərrəmə manqi 10 nə ruji bə şəhodət rəsin.