Sərhədədə Ərbəin Huseini zairon şe-ome rohət bəbe.

İroni nizami intizami ğıvvon sərhəd məmuron fərmondə iyən İraği sərhəd ğıvvon idarə rəis bə ımsornə sori Ərbəin Huseyni zairon səfəri əmniyyət, nəzm iyən rifoh təkid kardışone.

Bə İrib raporti əsos Bəğdadədə İron və İraği sərhəd ğıvvon fərmondəon mıştərik iclosədə qeneral Ğasım Rezai votışe: viza ləğv karde ımsornə sori Ərbəini şimoni vey hevuj əzəmətin bey bois bəbe ki bəpe zairon şe-ome xoto nəzm və əmniyyət vey nəzərdə qətə bıbu.

Əv İroni Xosrəvi, Mehran, Şələmçe və Çəzabe sərhəd terminalonədə əmniyyəti tədbironku xəbəş do.

Qeneral Hamed Əbdul Ebrahim Əlhuseini həm bə İron-İraği miyono çokə həmkarion işorə və bə əmniyyəti məxsusə tədbiron həminə əyyamədə dəvoniyə təkidış karde.

İron və İraği sərhəd ğıvvon fərmondəon mıştərik iclos maştə sə bəbe.