Tırkiyə bə Suriyə sərhəddon tojə hərbiyə təchizatonış vığandə.

Tırkiyə silahinə ğıvvon təchizaton tojə baxşə de Suriyə mıştərəkə sərhəddonədə ım məmləkəti vırə kardə ğıvvonku himoyə karde nomo bə ım məmləkəti cənub Şanli Orfa şəhr daxil bə.

Bə Tırkiyə Anatoli aqentəti xəbon əsosi ım hərbiyə təchizaton 9 qılə kamaziku iborəte ki hərbiyə maşinon həml kardən iyən ilə aftobos hərbiyə kadr həm dəvon həmroy ki bə Şanli Orfa şəhri Ağçə Ğalə şəhristan vığandə bən.

ım məsələ qıləy holədəy ki Dəməşğ çandə kərə Suriyə şimal hissədə əmnə məntəğə icod kardeyu Tırkiyə və Amerkə ğərolədə mıxalifətış kardə və elanış kardə ki ım ğərol oşkoə holətədə bə Suriyə hakimiyyət iyən milləıti vəhdət və ərazi təmamiyəti oşkoə təcavuze və beynəlxalğə həx iyən İ bə milləton təşkilati ğanonon bə lınqi ji noeye.