Ərəbıstonı mubarizə ruhani şeyx Nemerı şəhodəti 1 minnə sorqardımon.
Ərəbıstonı mubarizə ruhani şeyx Nemer Bağır Əlnemerı şəhodəti 1 minnə sorqardımon mərasim ımruj(2şanbə 2017 minnə sori yanvarə manqi2) ale səud rejimi muxalifon huzurədə ım məmləkəti şərğ hissədə təşkil be.
sosyal şəbəkəonədə fəaliyyət kardə kəson şeyx Nemerı şəhodəti sorqardımonədə ve yolə fəaliyyətonışon nışon doə və çəy yod iyən xatirəşon bəji oqətə.
şeyx Nemer Bağır Əlnemer 2012 minnə sori yanvarə manqədə Səudiyyə Ərəbıstoni şərğ Ğətif nomo bıə şiə ənıştə məntəğədə 2011 minnə sori fevralə manqi yolə etirazon bəpeştə dəstqir be.
şeyx Nemer 2015 minnə sori oktiyabri 15 minnə ruji ale səud rejimi məhkəmə tərəfiku de pesoxtə bə bıhtonon yəni bə milliyə əmniyyəti zid hərəkəton iyən muharizə de şımşi bə edam karde məhkum be.
şeyx Nemerı edam karde bənə qıləy dəhşətinə cinayət iyən devlətiyə terarizm 2016 minnə sori yanvari 2 nə ruji məntəğə iyən beynəlxalğə səthədə bə mıstəğillə təşkilaton reaksiya bərobər be.
