Serbiyaədə Əli Laricani vindemonon.

İroni islamiyə şura məclesi rəis Əli Laricani ki dınyo parlementon miyono bıə 141-nə iclosədə iştirok karde xoto bə Serbiya səfərış karde de muxtəlif kişvəron parlament və məcleson rəis və muavinon vindemon və muzakirəş karde.

Bə İrib raporti əsos İroni islamiyə şura məclesi rəis de Hindıstani nımoyəndəon məclesi yol vindemon karde terrorizmi qıləy muhimmə məsələ bəyonış karde və votışe: Asiya Ğərbədə terrorizm de məntəğə kişvəron miyono əloğəon vasitə həl bəbe.

Əv bə İron və Hindıstani miyono mədəni və tarixi əloğəon sayə ədə bıə həmmə tərəfinə həmkarion zərruriyati təkidış karde.

Əli Laricani de İraği məclesi xarıci siyasət kamissiya yol həm muzakirəş karde.

İroni məclesi rəis ım vindemonədə bə İroni nəzə iyən xarıci siyasətədə İraği vırə işorəş karde və votışe: bəzi kişvəron İrağədə əmnə vəziyət iyən şərayeti tov varde əzı nin.

Əv İronıjə Ərbəin zairon ğəbul karde İron və İraği milləton miyono nığılə əloğəon nımunə zınəş be.

İroni xarıci əloğə və siyasəton dəvomədə Əli Laricani de Serbiya iminə vəzir vindemon karde cərəyonədə Amerkə siyasəton məhkumış karde və bə ətomiyə muğavilə çərçivədə bıə Avropa ehdəmonon zəmini səpe mande işorəş ka.

İroni islamiyə şura məclesi rəis ım vindemonədə iğtisod sahə ədə Tehron-Belqeradi miyono həmkarion inkişofi tələbış karde.

Laricani de Avesteriya Federal şura məclesi yol həm vindemon və İron- Avesteriya miyono bə ticari əloğəon hevuj bey təkid kardışe.