Suriyəku oxonə xəbəon.

Tırkiyə mudafiə vəzarətxonə bə Suriyə kişvəri şimol şərğ məntəğəon Suriyə Kırdə qrupon həmlə nəticədə 1 nəfər Tırkə hərbion kıştə beyku xəbəş do.

Bə rəsə xəbəon əsos Suriyə Həsəkə ostanədə bıə ım həmlə nəticə ədə 5 nəfər çı Tırkiyə hərbion həm zəxmin bıən; həmlə de rəketi əncom bıə.

Xəbəon jıqo hikayət kardedə ki ısət Suriyə Rəesoleyn şəhri kontrol məntəğəku Kırdon xaric bey bəpeştə bə Tırkiyə vabəstə bıə hərbion dastədəy.

Im qılə holədəy ki Suriyə xarıci vəzarətxonə rəsmən elanış karde ki Tırkiyə sərhədonku Kırdon xaric bey bəpeştə Tırkiyə ijən bə Suriyə təcavuzi dəvom doero hiç bəhonəş ni.

Xəbə ome Suriyə şimol şərğ xusosi Rəesoleyn şəhrədə Tırkiyə və Suriyə hərbion miyono daveon dəvom kardedə.

Suriyəku co qılə xəbə həm ıme ki Suriyə və Rusiyə hərbi təyyarəon Edleb ostanədə bə terroriston hərbi bazaon həmlə kardəşone; ım həmlə ədə Əlnosrə terrorçiyə qrupi 3 qılə mərkəz iyən vırə vert və velo be.