Yəməni vəziyətiku oxonə xəbəon.
Yəməni millət zinə bə ğeyri hərbion əleyh bıə Ərəbistoni hərbi təcavuz iyən bombardımonon dəvomi etıraz karde xoto ım kişvəri şimol ğərb Həccə ostanədə aksiya bərpoşon karde.
Əvon rə Yəməni muhasir arişə pidəşone.
Yəmənədə həmmə tərəfinə muhasir iyən hərbi təcavuz və canq detosə bə ısət 71 həzo noxəşə Yəmənıji marde bois bıə ım xəbə Yəməni səhiyə vəzarətxonə elanış karde.
Yəməni milləti etıraz aksiyaon və muğavimət qıləy şərayetədə dəvom kardedə ki Yəməni istefa doe dıvlətiku Səudiyə rejimi həmmə tərəfinə himoyəon dəvom kardedə; ımqrup bə Mənsor Hadi vabəstəy.
Yəmənədə İ Bıə Ərəb Əmirətion mıdoxilə iyən xəbisə planon həm qədə qədə oşko bey hilədəy; tojədən Yəməni cənub şərğədə bə İ Bıə Əmirətion vabəstə bıə qıləy hərbi qrup dəstqir bıən ki bə Şəboh ostani tərəf hərəkət karde holədə bin.
Xəbə ome Yəməni şimol iyən cənub ğərb məntəğəonədə həm Səudiyə rejimi təcavuzkarə alisiya 6 qılə həmləon de Yəməni muğavimət qrupon və ərtışi muvəffəğ mudafiə be əsər mandəy.
