Koronavirusi barədə bə Amerkə ərtışi əleyh Çini ittiham.
Çini xarıci vəzarətxonə ım kişvərədə koronavirusi rəvoc peydo karde bıhranədə Amerkəş mıttəhəm karde.
Bə İrna raporti əsos, Çini xarıci vəzarətxonə sıxənəvot votışe: şayəd Amerkə ərtış koronavirusi bənə ıpidemiya bə Vohan vardəş bo.
Çini xarıci vəzarətxonə sıxənəvot Jaoli Ciyan bə Amerkə rəsmi şəxson xətob votışe: ojə-oşko ım virusi barədə ıştə məlumati bə dınyo elan kənən.
Əv ım virusi barədə Amerkə rəftoronış şək-şobhe nin zınəş be və votışe: Amerkə bəpe koronavirusi barədə bə ım izah bıdə.
Jaoli ıştə sohbəton dəvomədə soalış karde ki Amerkədə korona qinə bino be? Çand nəfər mıbtəlo bıdən? Və ısət noxəşon kom noxəşxonədən?
Tojədən İroni islamiyə şura məclesi məslehətçi Əmir Əbdullahiyan həm elanış karde ki dınyoədə koronavirusi ıpidemiya iyən biyoloji həmlə məsuliyət Amerkə qiədəy.