İronədə 8400 nəfər bə koronavirusi mıbtəlo bıə kəsonku çok bin.

İroni səhiyyə vəzarətxonə elanış karde ki detosə bə ısət İronədə 8376 nəfər bə koronavirusi mıbtəlo bıə kəsonku çok bin.

Bə oxonə raporti əsos İronədə təğribən 23 həzo nəfər koronavirusi qəteşone ki de təəssufi çəvonku 1812 nəfər mardən.

Detosə bə ısət İronədə koronavirusi noxəşon çı səlomətə cəmaətiku co karde çərçivədə həm 36 milyon nəfəriku vey İronıji vəziyət kontrol be.

Dıvlət, millət və hərbiçiyon miyono həmkarion həm dəvom kardedə.

Tojədən İroni prezident Həsən Ruhani həm bə koronavirusi beynəl xalğə bıhran və epidemiya işorə və təkidış karde ki həmmə kişvəron və milləton ım virusi arəku bardero bəpe de yande həmkari kon.

Diplomatik həmkari və rabitəon dəvomədə həm xəbə ome ki İron və İtaliya xarıci vəziron telefoni vasitə de yande sohbət kardışone; Zərif və Dimayo İron və İtaliyaədə koronavirusi telefoni barədə ıştə təəssufi elan kardışon.

Koronavirusi barədə İron və Rusiyə miyono həm həmkari və əloğəon dəvom kardedə.

Xəbə ome ki Fransəku 2 minə humanitarə koməkon bə Tehron varid be.