Zərif: Amerkə hərbiçiyon çı İroni dıyovonon təhrik kardedən.

İroni xarıci vəzir, Fars dıyoədə Amerkə hərbi iştiroki məhkumış karde və votışe: əvon çı İroni dıyovonon təhrik kardedən.

Muhəmməd Cəvad Zərif çı Amekə tojə təhdidon barədə Twitter mesajədə ğeydış karde: Amerkə ərtışədə 5 həzo nəfər Koronavirusi qəteşone: Tramp bəpe məntəğədə ğeyri ğanuni mıdoxiləon əvəzi əvoni damon kə.

İroni xarıci vəzir təkidış karde: Amerkə dıyo ğıvvon ıştə sərzəmin və kə ədə koşon ni? Boçi 7 həzo mayl ıştə kişvəriku dıyoro Fars dıyoədə İroni dıyovon təhrik kardedən?

Xəbə ome çı Amerkə rəsmi şəxson tojə təhdidon iyən Fars dıyoədə Amerkə hərbi qəmion be ğanunə rəftori bəpeştə İroni xarıci vəzarətxonə bə İronədə Amerkə mənafe təminəkə notaş do.

Sepah təşkilati fərmondə qeneral mayor Səlami həm zinə rəsmən elanış karde ki Fars dıyoədə harcurnə təhdid de İroni ciddi reaksiya dim bə dim bəbe boçi ki ım məntəğə çı İroni stratejik vırəy.