Tırkiyə bəpe bə Ermənion ğətliami etırof bıkə.

Ermənistoni prezident Tırkiyə dıvlətiku tələbış karde ki bə Ermənion ğətliam faciə etırof və çəy nəticə və məsoliyəti ğəbul bıkə.

Armen Serkisiyan, Ermənion qınosiyə faciə 105-nə sorəqardışi xoto bə Usmani Emperyairs barədə dıvləti xətob votışe ki Ermənion həmçınan ədoləti icra bey çəş kardən.

Serkisiyan, Ermənion ğətliami rəsmi zınə kişvəronku ğədrdontiş karde və de Tırkiyə vindemoni tənğid karde və votışe: Tırkiyə rəsmi şəxson oğo bıbun ki tarixədə Usmani hukuməti ım cinoyət əbədi bə mande.

Tojədən Amerkə prezident Donald Tramp həm təğribən 100 sor çımi bənav Usmani hukuməti tərəfo əncom bıə cinoyət, Ermənion ğətliam və qınosidi qıləy yolə faciə bə hisobış varde.

Trampi ım sıxənon çı Tırkiyə xarıci vəzarətxonə tərəfo məhkum be.