Zərif bə İraği tojə i minə vəzir təbrik votışe.

İroni xarıci vəzir, İraği tojə dıvləti təşkil bey bə ım kişvəri iminə vəziri təbrik votışe.

Muhəmməd Cəvad Zərif bə Mustəfa Kazımi vığande mesajədə təkidış karde ki İroni dıvlət və millət həmişə İraği kənoədən.

Bəğdadədə İroni səfir İrəc Məscedi həm zinə İraği parlamentədə Mustəfa Əlkazımi əksəriyət vəziron sədo kəsb karde və çəy nəticədə tojə dıvləti təşkil bey təbrik votışe.

İroni islamiyə şura məclesi məxsusə məslehətçi Husein Əmir Əbdullahiyan həm qıləy təbrik mesaji vasitə İrağədə əmniyyət və stabiləti, bənə İroni əmniyyət zınəş be və ğeydış karde ki 2 qılə kişvəri miyono zumandə ğədəmon karde bəzne stratejik əloğəon zumandəti bois bıbu.

İraği parlament zinə, qıləy saxt və dozə iclosədə bə 15 nəfər çı Mustəfa Əlkazımi vəziron səlohiyət sədoşon do; 7 qılə vəziri vəziyət həm peşo təyin bəbe.