İronədə Koronavirusi noxəşon çok bey dəvom kardedə.

İroni səhiyyə vəzarətxonə elanış karde ki detosə bə ısət Koronavirusi İronıjə noxəşonku 83837 nəfəri vəziyət çok be və əvon noxəşxonəonku ozod bıdən.

Bə həminə raporti əsos tosə ısət təğribən 105 həzo nəfər İronədə Koronavirusi qəteşone ki çəvonku 6541 nəfər mardən.

Tojədən İroni mərkəzi banki rəis Əbdulnaser Hemməti votışe: Koronavirusi mudiriyətədə İroni şərayet vey kişvəron muğaisədə çok be və İron saxtə rujonku dəvardedə.

De Koronavirusi mubarizə barde sahədə həm İroni elmi inkişof iyən İroni dostə kişvəron Humanitarə koməkon dəvom kardedə xusosi Çin ijən bə İron koməkonış vığande.

İroni xarıci vəzir həm zinə Twitter mesajədə jıqonə saxtə rujonədə Hindıstani zərtoştion bə İron komək vığandeku ğədrdontiş karde.

Zərif votışe: Bə Hindıstan muhacirət kardə İronıjon ijən bə ım ıştə bəfodorəti sobot kardışone.

Zərif xəbəş do ki İron həm de Korona mubarizə barde çərçivədə kalektiv həmkari və koməkon çərçivədə 40 həzo Koronavirusi noxəşi təyinəkə cihozi bə Almaniya, Tırkiyə və co kişvəron vığandəşe.