Amerkə beynəl xalğ nəzmi bə yande je pidəşe.

İroni xarıci vəzarətxonə sıxənəvot votışe: Amerkə dıvlət tojə nəzmi icod karde çərçivədə siyasəton bənav bardedə.

Seyed Əbbas Musəvi votışe: dınyo dıvlət-milləton bəpe beynəl xalğ erj-nəticəon oqəte çərçivədə bə İ Bıə Milləton Təşkilati ğanun əməl kon.

Musəvi Amerkə tərəfo çı İroni nat kırnə keştion mısodirə qıləy xəbisə siyasət bə hisobış varde və votışe: əqə Amerkə qıləy kişvəri pidəş ni çəy ğanuni mıbodiləon vədə bəpe mane nıbu ya de sanqsiyaon bəpe bəy muzahim nıbu.

Əv bə İroni nat kırnə qomion əleyh Amerkə harcurnə hərəkəton barədə notaş do və elanış karde ki Amerkə harcurnə hərəkət de İroni mıtəğabil rəftori dim bə dim bəbe.

Əv Suriyə barədə həm təkidış karde ki İron de Suriyə rəsmi dəvət ım kişvərədəy və ım ğəsor bə Amerkə ya xot sionist rejim dəxlış ni.

Musəvi Ğuds beynəl xalğə ruji barədə həm votışe: ım ruj detosə sionist rejim işğali sə bey zəmon dəvom kardedə.