İsrail ijən bə Suriyə təcavuzış karde.
Suriyə rəsmi aqentiyəti Həmah ostaniku ım kişvəri həvo mudafiəkə sistemi təcavuzkarə hədəfon hucumi vəy qəteyku xəbəş do.
Bə həminə raporti əsos ım təcavuz çı sionist rejimi tərəfo əncom bıə.
Hələ İsrail rejimi tojə həmləku hiç xəbə muntəşir bə ni əmmo ğeyd kardənin ki təğribən har haftə sionist rejim jıqo bə Suriyə hərbi vırəon həmlə kardedə ta bə terroriston komək bıkə.
Həmas təşkilati sıxənəvot Hazım Ğasım, sionist rejimi ım təcavuzi məhkumış karde və votışe: Amerkə və məntəğə ərəbə kişvəron sukut jıqo sionist rejimi beədəb və yolə şəxə rəftori amilonin.
Əv votışe: bə islamiyə kişvəron sionist işğalçi rejimi təcavuz əv həm de Amerkə himoyəon qılə holədə əncom bey holədəy ki ərəbə kişvəron de sionist rejim həmkari və əloğəon normal beyro cəhd kardən.
Suriyəku co qılə xəbə ome ki Suriyə şimol şərğ Həsələ ostani sakinon ijən bə Amerkə vabəstə bıə kırdə qrupon əleyh etırazon binoşon karde.
Amerkə rejim çı Həsələ ostani natə çoləon ğarət karde çərçivədə ım məntəğə Kırdə qrupon təhrik və bə əvon hərbi komək karde holədəy.
