Zərif: Avropa kişvəron İroni moizə karde vırədə nin.
İroni xarıci vəzir Amerkə anti İroni siyasətonədə Beritaniya, Fransə və Almaniya iştirok və həmkari tənğidış karde.
Bə Fars aqentiyəti raporti əsos, Zərif ətomiyə ehdəmononədə 3 qılə Avropa kişvəron zəifəti tənğid və əvoni çı Amerkə prezident və sionist rejimi i minə vəziri həmdast və şərik hisobış karde ki İroni moizə karde həxışon ni.
Ətom enerji beynəl xalğ təşkilat zinə de Fransə, Almaniya və Beritaniya fişar-təziği anti İron qıləy ğətnomə təsdiğış karde ki Amerkə mənafe cəhətədə be və hol ım ki Avropa və Amerkə tərəfon bə ətomiyə sazışi maddon əməl nıkarde əvəzi İron kamilən həmmə baxşonədə vey kərə de ətom enerji beynəl xalğ təşkilati həmkarion dəvonedə.
İroni xarıci vəzarətxonə sıxənəvot Seyed Əbbas Musəvi həm ım ğətnomə bənə siyasi və ğeyri texniki bıə be əsos sənəd bə hisobış varde ki ətom enerji təşkilati be abroş karde.
Əv ım ğətnomə çı Amerkə və Avropa mənafe çərçivədə qıləy oşko ziyodtələbi bəyonış karde ki tojə bıhran-moşkelatonış İron və ətom enerji beynəl xalğ təşkilati həmkarion miyono icod kardedə.
Musəvi bə ım ğətnomə mısbətə sədo doe kişvəron tənğid karde və votışe ki jıqo intizor be ki əvon sionist rejim və Amerkə xəbisə niyyət iyən ğəsdiku oğo bıə bin ta qıləy tojə bıhran icod nıbu.
Viyanaədə İroni nımoyəndə Kazım Ğəribabadi həm bə ətom beynəl xalğ təşkilati mınosib reaksiya nışo doeku xəbəş do beynəl xalğ koonədə İroni məclesi rəisi məslehətçi Əmir Əbdullahiyan həm Avropa kişvəronış çı Amerkə nokə iyən karquzarin.
