Həmas: Məçiduləğsa çı Fələstin milləti sıə xətte.

Fələstini İslami Muğavimət Hərəkati sıxanəvot(Həmas) təkidış karde: Məçiduləğsa çı Fələstin milləti iyən muğavimət cəhbə sıə xətte və çəyku himoyədorəti karde həmmə İslami umməti dini və əxloği vəzifəy.

Bə Əl-Aləm kanalio raporti əsos, Fuzi Bərhəm zinə anti sionist aksiyaədə Məçiduləğsaş çı Fələstin milləti əbədi baytəxt bə hisobış varde və votışe: əsri muğavilə Amerka-sionist plani icar beyro həmmə cəhdon hiç faxt ım həğiğəti əvəz nibəkay.

Ğəzzədə bıə aksiya cərəyonədə Həmas təşkilati coqılə uzv Xəzir Həbib həm bəyonış karde ki Fələstini millət şərifə Ğudsədə sionist rejimi əhotəro harcurnə işğal plani vəy bəqəte.

Sionist rejim de Fələstinıjon kə xərob karde, şahrvandon həbs, bə Məçiduləğsa hələ karde iyən mikro rayonon miğdori ziod karde əmələn pidışe Ğusi cəmiyət tərkibi əvəz karde çərçivədə bə Fələstinıjon iştraki orəx bıdə.