Sanksiaon jentonədə Kovid-19 bumi damonon İronədə istihsol bıə.

İroni səhiyyə vəzir bə İronədə Kovid-19 həmmə bumi damonon istihsoli dəvom iyən Amerkə ğəyri ğanuni və i tərəfi sanksiya jintonədə bə damonon kilinik imtivoni dəvoni işarəş karde.

İroni səhiyyə vəzir Saeid Nəməki zinə de Şərği Miyonə Dıyo məntəğə kişvəron səhiyyə vəziron onlayn iclosədə de Koronavirusi mubarizə barde fəaliyəton zəmonədə səhiyyə beynəl xalğ təşkilati koməkon bə bə təğdiri loiğ bə hisobış varde.

Nəməki bə səhiyyə sistemon zumand karde zəruriyyati təkidış karde və votışe: səhiyyə beynəl xalğ təşkilat iyən YUNİSEF fondi təcrobəon xususi de Kovid-19 mubarizə barde sahədə kişvəron miyono təcrobəon vırə bə vırə kə.

Əv de Koranavirusi mubarizə barde roədə bimə sistemi tojə karde xoto lozimə tədbiron iyən elmi nəticəonku istifodə karde barədə həm sohbətış karde.

İroni səhiyyə vəzir ım virtoal iyən onlayn iclosi dəvomədə əlovəş karde: səhiyyə beynəlxalğ təşkilat, YUNİSEF, Qelobal Fond, Beynəl xalğ Bank, İslami İnkişof Bank de coqılə iğtisodi təşkilaton bəpe de Koronavirusi mubarizə barde meydonədə bə zəifə kişvəron komək kon.

Saeid Nəməki eyneholədə Kovid-19 vaksəni istehsolədə bə kalektiv həmkarion zəruriyati təkidış karde.