İron iyən Rusiyə dıroz mıddətin steratejikə əloğəon fikədən.

Rusiyədə bıə İroni səfir bə 2001-nə sorədə İron iyən Rusiyə miyono mıtəğabil əloğəon və həmkari prinsipon muğavilə imzo bey işarə və təkidış karde: Maskva-Tehron mıştərək həmmə tərəfinə dıroz mıddətə sazişon dəbasteyro ciddi iradəşone.

Kazim Cəlali həmonə 20 sornə muğavilə barədə votışe: həmonə faxtiku tosə ısət vey təhəvvulaton beynəlxalğ, reqional iyən 2 tərəfi əloğəon sahədə icod bıə.

Cəlali İron və Rusiyə miyono həmkarion miğdori dəvardə dıvraniku vey zınəş be iyən həmkarion nığıl bey barədə bə 2 qılə kişvəri miyono bıə veyə zərfiyəton ki omə steratejik muğaviləonədə bəy istinod karde bəbe təkidış karde.

Rusiyədə bıə İroni səfir ijən bə yod varde ki: İron və Rusiyə ali rəsmi şəxson de diğğət bə omə həmkarion tale ıştə nakonə muğaviləonədə tojə baxşon və tojə maddon əlovə kardeyro hozzoin.

21 maddəş bıə İron iyən Rusiyə miyono bıə mıtəğabil əloğəon və həmkari prinsipon muğavilə omə sori Martə manqi bə oxo bərəse ki 2 tərəf çəy mıddəti dıroz karde pidəşone.