Fələstinıjə həkimi şəhodəti vədə,Həmasi reaksiya
Fələstini İslomiyə mığovemət hərəkat(Həmas) İordanru ğərbiyə sahelədə qıləy Fələstinıjə həkimi şəhodəti vədə reaksiyaş nışon do və elanş karde: Əkəsoni ki de seyonist rejimi saziş kardeyo təcili ğədm peqətedən İşğalqəron bə Fələstinıjon ələyh təcavozon və cinayəton həm diyə bıkən.
Fələstini İslomiyə mığovemət hərəkat(Həmas) İordanru ğərbiyə sahelədə qıləy Fələstinıjə həkimi şəhodəti vədə reaksiyaş nışon do və elanş karde:
Əkəsoni ki de seyonist rejimi saziş kardeyo təcili ğədm peqətedən İşğalqəron bə Fələstinıjon ələyh təcavozon və cinayəton həm diyə bıkən.
Bə Əlməyadin telviziyə kanali elanon əsos Həmas qıley bəyonotdə elanış ka:
Xainon xəyonət iyən işğalqəron zılmkorəti bə Fələstini milləti huğuği bərpo karde mene bəbe.
Fələstini səhihə vəzorətxonə zinə elanış ka:
Cımə ruji seyonist rejimi hərbiçion Cənini cənob ğərb rtə posti neziədə bə Fələstinıjə şəhrvandon tərəf bomba ğandən.
Bə ım xəbəon əsos 54 sorə Fələstinjə həkim Nəzal Muhəmməd Əkrəm Cəbarin Cənini ğərb hisədə İşğqlqəron seyoniston tərəfo ğandə bə bomba xoto ki, bevəcə sədo icod bıkə bombaonku bə infakt jedə və bə şəhodət rəsedə.
Cəbarin, dandoni həkim və Çənin şəhri Merah Səd məntəğə əhaliku be.
