Bəşar Əsəd:Amerkə və Tırkiyə hədəf Suriyə baxş bə baxş kardeye.
Suriyə prezdent Tırkiyə və Amerkə devləton məğsədış Suriyə devləti zəif karde iyən əy baxş bə baxş kardeş zınə.
Suriyə prezdent Bəşar Əsəd zinə votışe: Dəməşğı heyət Jenevrədə əsosə ğanonon omə iclosədə de coqlə tərəfi dim bə dime ki Tırkiyə tərəfo təin bə və boçimi xoto Suriyə heyət ım iclosədə Suriyə əmniyyəti həxədə bıə məsəlon barədə muzakirə nibəkay.
Əsəd votışe: Tırkiyə və çəy tərəfdaron mincumlə Amerkə və çəy şərikon bə Suriyə əsosə ğanonon komitə ko mısbətə sorətədə əhəmmiyyət dodə nin və əlavəş karde çəvon tələb Suriyə devləti zəif karde və ım məmləkəti baxş bə baxş kardeye.
Suriyə prezdent eyne holədə votışe: məmləkətoni ki Vaşinqton çəvon əsosə ğanonon de zu bə çəvon qi nodə bə fitnə iyən hərc-mərcı tərəf şedən və Suriyə devlət heç vaxti jıqo metodiku itaət nibəkay.
